ഉറക്കം

                    ഉറക്കം
ഒരുവാക്ക്  ചൊല്ലാതെ, മറുവാക്ക്  കേൾക്കാതിന്ന്,
ഉറങ്ങാൻ തുടങ്ങിയോ നീ ?
കണ്‍നട്ട്  കാതോർത്തു, നിന്നെപ്രതീക്ഷിച്ചു,
ടീ വിയിൻ മുന്നിൽ ഞാൻ, അന്ധനായി.
കഷ്ടം റിമോർട്ടിന്റെ, ബട്ടനെ അപ്പോൾ  ഞാൻ,
നിഷ്ട്ടുരമയെത്ര, കുത്തി നോവിച്ചുപോയ്.
കേട്ടില്ല  ഞാൻ നിന്റെ, കാലൊച്ച ഒട്ടുമേ,
കണ്ടില്ല നിൻ നിഴൽ, നീങ്ങുന്ന തെങ്ങുമേ.
ഞാൻ എന്റെ വായ്, വലിച്ചാഞ്ഞു തുറന്നുപോയ്
കണ്ണുകൾ രണ്ടിലും അശ്രു നിറഞ്ഞുപൊയ്.
ടീവി കെടുത്തി ഞാൻ നിന്നെ തിരഞ്ഞപ്പോൾ,
കണ്ടു ഞാൻ നിന്നെ, ആ ശയ്യാതലത്തിലായ്.
നിദ്രയിൽ ആണ്ടു നീ, കംബിളി കുള്ളിലായ്,
സുഖമായി സുഷുപ്തിയിൽ, ആണ്ടുകിടക്കുന്നു.
എത്ര ശഠിച്ചാലും, എത്ര കോപിച്ചാലും,
ഒരുരാത്രി പോലും, എൻ ഓർമയിലിന്ന്നോളം,
ഒരുവാക്ക്  ചൊല്ലാതെ, മറുവാക്ക്  കേൾക്കാതെ
ഉറങ്ങിയിട്ടില്ല നീ യിത്രനാളും.
ഈ നിദ്ര ഞങ്ങൾക്ക് , സന്തോഷമേകുവാൻ
പ്രാർഥിച്ചു സൃഷ്ടാവോടല്പനേരം.
ഉറങ്ങുന്ന നിന്നെ ഒന്നുണർത്താൻ ശ്രമിക്കാതെ
നിദ്രയെ പുൽകി ഞാൻ, നിന്നോടൊപ്പം.